Cc雖然在動漫節Image Girl選舉中勇奪冠軍，可惜會考成績卻麻麻。而名模馬詩慧大女Kayla收到成績單，全家雀躍，因專心向學的Kayla考取廿多分佳績，對於愛女考得好成績，馬詩慧昨日接受訪問時笑言會舉家到Dan Ryan吃飯慶祝，不過問到囡囡的實際會考分數，Janet則以尊重囡囡私隱為由拒絕透露：「幾多分同幾多個A唔講喇，至於獎勵都唔使喇，已經攬咗佢啦，呢啲好過金錢物質獎勵啦！其實我都無陪佢攞成績單，佢自己搞掂。」

王敏德笑不停

昨晚八時許，王敏德一家現身金鐘吃飯兼行街慶祝，對於大女考取佳績，王敏德全程笑逐顏開，只不斷重覆說「好」來形容心情。至於Kayla則透露打算升讀原校，馬詩慧並表示未有打算送女兒往外國讀書。

至於自覺成績差強人意的Cc，放榜後已急不及待在網誌中向fans表心迹，揚言會自我檢討，在文章中卻發現她錯別字多多：「今次既（嘅）成績……我自己吾系（唔係）咁滿意，雖然吾系（唔係）0分……當然我會檢討自己既（嘅）成敗得失，努力改進……」又鼓勵成績未如理想的fans不要放棄「千期（祈）吾（唔）好氣餒呀……最緊要知道自己條路點行……」Cc及後接受電話訪問時，強調自己全部科目合格，只是不夠分升讀中六，她說：「我係有啲失望嘅，嚟緊會讀全日制語言文憑增值，下年可能會自修重考。」

林司敏唔滿意

而林司敏雖然要邊拍戲邊應付會考，但仍能考取十分以上的成績，不過她依然感到不滿意：「整體成績比預期低分咗，不過中文有B，好滿意。諗住報啲自己有興趣嘅科目，我驚讀預科或重讀會兼顧唔到日後嘅工作。」

文：專案組

曹卓榣網誌：http://jacso.hk/cccho