羽翹早前到沙巴拍攝寫真，地點選在當地數一數二的豪華休閒度假村Shangri-La's Rasa Ria，其豪華程度直逼有名的Four Seasons，這個坐落於獨立島嶼上的度假村，距離機場有個多小時的車程，從度假村向外望，看見的只是藍天碧海與青山綠水，都市的煩囂蕩然無存！羽翹對這個人間天堂讚嘆不已，她興奮地說：「度假村嘅設施好正，除咗有私人沙灘外，仲有好多個唔同款嘅大泳池，令人充滿暢泳嘅欲望！呢個度假村仲有一個好特別嘅地方，就係每間套房有唔同主題，我住嗰度係叫Ocean Wing，個浴缸唔係擺喺洗手間內，係擺喺露台！一邊浸浴一邊望住四周嘅美景，簡直係人生一大享受！」