舒淇、郭富城前晚為電影《全城戒備》拍攝，戲中二人不少動作場面，但都親身上陣，十分專業。而城城於戲中有一幕會變身成有超能力的「變種人」，雖然感覺得意，但化上特技妝後卻感到痕癢，要看醫生打針。
舒淇、郭富城與鄒兆龍前晚為電影《全城戒備》拍攝，城城本來於凌晨才拍攝，但他都提早到場探班。他說：「啱啱先由台灣返嚟，冇乜休息，不過我好享受拍攝，唔會介意，今次戲內有好多動作戲，為求真實，都會自己做番，最危險嘅一場前幾日拍，係一個新嘗試。」
化妝12小時
另外，有一幕戲講城城變為有超能力的「變種人」，然而特技化妝令他有點不好受。他說：「首日化妝已經唔得，嗰日三十幾度，化咗十二個鐘好痕，要睇醫生打針同食藥，我反而戥鄒兆龍慘，經常要化呢個妝，都有介紹醫生畀佢。」
讚鄒兆龍好
電影八月尾便拍畢，首次與鄒兆龍合作的城城坦言感覺很好，他說：「本來佢有幾個劇本可以揀，但一聽到話同我合作，專登由美國飛返嚟同我拍，而之前我同舒淇喺電影《風雲》合作過，但對手戲唔多，希望大家可以擦出新火花。」
舒淇前晚拍攝一幕揸貨Van撞向「變形人」鄒兆龍的場口，鄒兆龍更要一手舉起Van仔再放落地，嚇得舒淇於車內大叫，而導演陳木勝亦很緊張，拍攝時一直於車頭
到實，幸而此鏡一take便拍完。
文：影視組