昨日Theresa穿上超熱褲騷長腿與農夫出席旺角鬧市舉行的活動，吸引近百歌迷及圍觀者，場面一度混亂，醒目的Theresa全程雙手護胸，其女助手一直攬實她作雙重保護，三人以「快閃黨」在街頭做完儀式即撇，由多名工作人員及兩名保安開路到一間樓上咖啡店接受訪問。

傅穎全程雙手護胸，再由女助手護駕。

農夫與傅穎在街頭亮相。

視Stephy為同事

Theresa表示，原本她是着吊帶裙出席的，但因天鵝襲港，掛起三號風球，為免重演當年怪風吹起裙的事件，故改穿牛仔褲。

對於Stephy表示與她的關係愈來愈好，Theresa啞口無言兼表現尷尬，停頓兩秒才笑住說：「答唔到，冇乜嘢，網誌係我心聲，大家嘅友誼唔會因報道影響到。（Stephy係你朋友？）同事。」

農夫搵鄭融出騷

而將於下月舉行音樂會的農夫，透露老闆陳冠希不會捧場，他們說：「都唔知佢喺唔喺香港，不過佢叮囑我哋要做好啲。」還透露邀得鄭融任嘉賓：「佢唱歌時叫佢助手上台保護佢。」並笑說：「我哋個場邊有人敢搞事。」

文：音樂組