向來敢言的何超儀最近在網上批評o靚模賣弄性感，對此，身為o靚模始祖的Angelababy認為超儀不是在說她，因自己並非走性感路線，一直以來都做好本分和做對得住自己的事。
o靚界女神Baby早前獲邀為海港城「買鞋篇」全新一輯電視廣告兼擔任女主角，昨日舉行首播會，會上Baby還與同門師姐妹汪圓圓和陳碧舸等一同為海港城的鞋騷行catwalk。而寫真集大賣的Baby為了答謝粉絲們的支持，活動完畢後，即場舉行了一個簽名會，逾百粉絲早已在場排隊等候，Baby說：「今日派咗百幾個籌，不過我會盡量簽多啲。」
唔擔心被非禮
最近相繼有女藝人被非禮，在簽名會上與fans近距離接觸的Baby卻不擔心安全問題，她說：「啲fans好錫我，會睇住我，同埋大會都有安排保安。」
近日周秀娜因推出人形攬枕被議論紛紛，問到Baby可會推出人形攬枕？她說：「應該唔會，都唔係好想咁做。」
周圍飛忙到病
對於近日何超儀在網上批評一班o靚模是「沒有衣服穿的模特兒」，Baby說：「我諗佢唔係講緊我，佢話啲o靚模好性感，但我都唔係走性感路線，（係咪要同o靚模劃清界線？）名同稱呼都係人哋畀，一路以嚟我都係做好自己工作，做對得住自己嘅工作，亦從來都冇做過啲令人反感嘅嘢。」
而近期忙個不停的Baby最近病倒了，她說：「我今日好病，知道八月冇得放假好灰，想休息下養病。」她除了要穿梭港、日兩地，還要到北京拍攝新戲，忙得不可開交。
文：名人組