近日鹹豬手肆虐，原來學生時代的泳兒，亦曾遇過同類事件，但因當時太驚慌而沒有大叫。此外，籌備多時的新專輯昨日面世，縱使泳兒以透視裝拍攝封套，仍不敵水着o靚模般性感，擁有豐滿上圍的泳兒笑言為免引人犯罪，並解釋其性感是健康的。
泳兒前晚與孫耀威（Eric）出席Oris Bob Dylan手錶活動，對於鄭融日前慘遭鹹豬手，泳兒自爆在新加坡求學時，亦遇上同類事件，她說：「有一日坐巴士時，突然感到胳肋底涼浸浸，擰轉頭見到有個阿伯隻手伸埋嚟，當時太驚所以冇叫出嚟。」另外，活動上Eric被問到有否試過送手錶追女仔？他說：「試過有女朋友借咗我隻錶，分手時冇還畀我。」
參與專輯製作
此外，泳兒原定於今年年初推出新專輯《多一點》，製作中途因歌曲及錄音等問題，一而再、再而三押後，難怪她曾表示擔心會無限期延遲，幸而新碟昨日終於推出，鬆口氣的泳兒說：「之前好擔心唔知幾時出，依家見到隻碟好興奮。」泳兒透露自己參與不少意見，她說：「揀歌、形象同後期製作我都有份參與。」
唔怕引人犯罪
泳兒直言做新碟過程非常難忘，她說：「做呢隻碟期間，又要為六月舉行嘅演唱會綵排，同時又要錄國語碟，搞到好唔夠瞓。」由於她穿上透視裙拍攝封套，問到怕不怕引人犯罪？她說：「唔怕，我係以健康性感嚟配合主題同活動。」
文：音樂組