Angelababy日前為海港城舉辦的「Baby Mini模2009秋/冬時裝表演」拍廣告，並與一班Mini Model拍招募日海報，她更即場擔任臨時導師，教一班Mini Model擺甫士。

Angelababy與「mini版 Angelababy」（左三）十分相似，二人亦特別投契。

Angelababy稱現在年紀太細，故從未想過結婚生仔的問題。

忽然多個妹

童心未泯的Angelababy與小朋友打成一片，小朋友又自創多款動作整古作怪，幸好小朋友都非常乖巧，沒有造成混亂。

在拍攝期間，有一位混血小妹妹與她十分似樣，二人亦玩得特別投契，更互相整蠱對方。Angelababy說：「佢好得意呀！工作人員話佢似我個妹，佢同我生得好似樣。」

暫唔諗結婚

Baby表示自己一向喜歡小朋友，但現在年紀太細，工作至上，暫未想過結婚問題，她說：「太遙遠！如果有小朋友，我一定幫佢設計好多個不同造型，打扮得好靚，影多啲相，如果佢大個想做Model，我都會全力支持，仲會同佢分享心得！」據知是次比賽勝出的小Model，將有機會成為Angelababy的師弟師妹。

文︰名人組