Estee Lauder昨日舉行新產品預展午宴，邀得Lynn跟林嘉綺等名模出席，同場還有陳見飛及胡敏珊等。Lynn跟林嘉綺不約而同穿上低胸晚裝裙，但以Lynn的打扮更為性感，成功砌低「過江龍」林嘉綺，輕易成為全場焦點。Lynn否認刻意作性感打扮迎戰林嘉綺，更大讚對方漂亮又高貴，說：「佢係一個標準身材嘅模特兒。」身旁的林嘉綺則謙虛地笑說：「佢比較漂亮，我咪咪今日都要請假！」

林嘉綺輕輕俯身，挽回不少分數。	失戀失魂的陳見飛煮麵時淥傷左手。	胡敏珊

擺阿媽上枱

問Lynn會否到台灣欣賞郭富城的演唱會？她表示不會，更擺媽咪上枱說：「我媽咪嚟咗香港探我。（有機會見家長？）唔會呀！（一齊去台灣捧城城場？）唔使，媽咪係嚟陪我！」

談到鄭融被非禮一事，問林嘉綺會否擔心人身安全？她說：「我唔驚，我身邊成日都有工作人員同保安圍住我，而且我夠高，啲人都唔敢靠近。（你點保護自己？）雙手護胸，同眼睛要銳利，見人有奇怪就望實對方，加倍小心。」

陳見飛傷手

同場的陳見飛左手手腕包紮着，她解釋煮即食麵時淥傷，說：「我分咗手就即刻搬走，一個人搬咗去跑馬地，我又唔識煮嘢食，估唔到煮即食麵都畀水滾親咁白癡，起晒水泡。」她表示細佬Edison回港後住在四季酒店，至今還未有見面機會。記者指她父親已破產，但Edisno仍住得豪，她則刻意迴避話題，表示只跟細佬通過電話。

文：名人組