剛加盟黎明經理人公司的Janice Man（文詠珊）昨日出席飲品宣傳活動，獲半百fans舉牌吹哨子撐場，場面墟冚。Janice身穿黑色連身褲到場，樣子比以前更靚，一脫MK味，至於會否覺得自己已脫離o靚模行列，她得體地說：「呢個稱號係人哋畀，我專注自己工作，只要得到認同，畀乜稱號都冇所謂。（慶幸自己冇捲入o靚模是非？）都係盡力做好自己本分。」對於被Leon封為「模Art」，Janice表示是模特兒與artist的混合版，作為模特兒，要作多方面的嘗試。

再度現身黎明個唱

早前Janice擔任黎明演唱會的嘉賓，對於成為公司新寵，她聞言謙稱：「其實公司每個人都錫，只係我新加入，Leon（黎明）覺得啱timing，我適合呢個環節。」她又透露下月22日再度演出Leon在廣州舉行演唱會，問她是否向樂壇發展，她否認說：「暫時唔會，都係做番模特兒工作同拍戲。」至於有傳她以二百萬簽約十年，Janice稱只是傳聞，並非事實。

文：名人組