「this is ROCK & ROLL LIVE IN HK」前晚最後一場，不少圈中好友徐濠縈和女兒陳康堤、梁漢文夫婦、黃偉文、周國賢及女兒來捧場。開場時歌迷迅速湧到台邊打氣，約半小時被保安驅趕返回坐位，就連家強的太太Makiko亦無幸免，有歌迷不肯就範與保安爭拗，阿Paul向歌迷教路：「企番喺自己個位，垂直向上彈就冇人趷到你。」

男友Paul在台上賣力演唱，朱茵狂跳又fing頭以示支持。	家強太太Makiko被保安趕回座位。	Eason擔任演唱會嘉賓，徐濠縈和康堤現身打氣。

擔保歌迷守秩序

朱茵就企正台下對着阿Paul不停狂跳fing頭吶喊，二人不時眉目傳情，而家強答謝幕後人員時，就乘機冧老婆：「容許我講英文，因為怕佢聽晤明，I want to thank to my wife, i love you !」

陳奕迅和太極任尾場嘉賓，掀起台下一陣高潮，安哥時兩人呼籲歌迷湧到台邊，並向紅館和保安擔保歌迷會守秩序。

非洲孤兒唱Amani

至於慶功宴上，問到家強個唱上說將《醒你》送給鍾意食糖的人，因歌詞是寸偶像歌手唱歌咪嘴走音，即聯想到阿Paul與棒棒堂的是非？家強抵死說：「唔撐佢（Paul）邊個撐佢，唔通撐……糖呀！我唔食糖，我飲汽水，我講糖，唔係堂，唔好對號入座。」而阿Paul即笑言提醒家強小心被炸blog，又得戚說：「三年後再響度先講啦！」

另外，家駒生前曾到非洲探訪孤兒院，而這間孤兒院的二十名孤兒最近來港交流，獲安排前晚的演唱會到後台探訪，並以廣東話唱出《Amani》，令阿Paul和家強感動不已。

文：音樂組