前日鄭融在公開活動上被狂迷胸襲，圈中人紛紛送上慰問。鄭融前緋聞男友劉浩龍表現最激動，直斥色狼是人渣要受重罰，吳雨霏及傅穎則自爆亦曾遭人「鹹豬手」。
劉浩龍：作為朋友，當然關心鄭融嘅情況！知道捉到疑犯都安心啲，身為娛樂圈一分子，唔希望再有呢類事件接二連三咁發生，希望法律可以重判呢啲人，咁先可以保障到大家嘅安全。
傅穎：鄭融舉報好啱，唔可以姑息養奸！五年前我喺某酒吧都試過畀人大力掂胸，嗰刻我想捉住個色狼，但佢走咗，我好無奈、好嬲。
HotCha：聽到好唔開心，同覺得好慘，我哋覺得女仔被人非禮一定要出聲。
周柏豪：聽同事講佢喺停車場尖叫，好心痛，好慘呀！替佢擔心，如果我喺度都會保護佢，有咩我幫佢頂咗佢！希望佢心情快啲平復。
吳雨霏：我已經SMS咗鄭融，佢覆我話已經好啲。我覺得鄭融出聲好啱，否則畀機會兇徒走人。其實我上星期返大陸做嘢，都有人叉隻手喺我胸前，好彩掂唔到。