大傻癌病復發入院一事，在圈中並沒有太多人知道，原因是大傻想將病情保密，故即使知道他入院的朋友亦守口如瓶。本報記者在醫院守候多日，直至前晚七時終見到張家輝拖着一位疑是成奎安細仔的小男孩現身醫院，兩人在餐廳吃完飯後便雙雙返回病房，逗留至深夜仍未離開。其實家輝前日要為新片《旺角監獄》開工，但他連戲服也來不及換，便立即爭取時間到醫院探病，可見他與成奎安交情之深。

盧惠光透露大傻精神不俗，可自行沖涼和招呼朋友。	戴上口罩的張家輝帶着疑是大傻細仔的小孩在浸會醫院現身。	張家輝與小孩到醫院餐廳醫肚，期間有傾有講，明顯熟落。

張家輝頻頻探病

據知，家輝當年家住西貢，曾遇上一些麻煩，最後經由在南圍「有頭有面」的大傻出面擺平事情，家輝自此視大傻為恩人。記者昨日致電家輝查問大傻病情，他大感愕然，一時間不懂應對，停了數秒後才嘆了口氣，語帶無奈地說：「我只可以話我去探一位朋友，其他嘢唔講，（成奎安依家情況點？）由始至終我都冇講過『成奎安』三個字。」說罷即掛線，有別於平日的合作態度，可見他心情相當低落。

盧惠光撐精神好

而盧惠光於昨日下午三時左右，現身醫院，逗留一小時才離開，記者上前問他大傻病情時，他說：「我上到去，佢啱啱沖完涼，精神唔錯，有笑容，仲招呼我哋，係瘦咗啲同有啲攰。大傻話佢今次係入院治療，一、兩日可以出院，佢今次入院因為冇聽醫生話要戒口，不過佢好鍾意食生冷嘢同飲凍嘢。」

但據本報得悉，大傻近日頻頻致電好友，又向前來探望的友人，有感而發地叮囑要注意身體健康，更拜託好友幫手，多多看顧其太太及兩位分別年屆三十及不足十歲的兒子，令人對這位向來在銀幕上扮演惡霸，私底下則是硬漢子的健康相當關注。

文：影視組

攝：追蹤組