本文重點
《2009香港先生選舉》將於今晚假將軍澳電視廣播城舉行，十二位參賽者昨日分別以深藍及淺藍色三角泳褲上陣進行總綵排，期間有不少參賽者呈現「激凸」效果。當中以(4)鄭智鍵、(6)鄭子揚、(8)李偉健及(12）呂庭鋒狀態十足、身形最健碩，反觀(3)陳子仁不單沒有「肌」男身段，還露出小肚腩，至於(9)林建邦谷胸時竟出現大細怪「波」，十分騎呢。
事後陳子仁大方承認身材不夠健碩較失色，他說：「我都有信心嘅，贏唔贏到就唔清楚，因為其他十一位參賽者都好有風格。（點解唔操吓肌肉？）我好難操，我係瘦底，無論點操都冇用。（會唔會好輸蝕？）唔可以咁講，可能有女仔唔鍾意咁肌肉呢！我身材係較失色，希望其他可以彌補番。（用咩補？）用笑容囉。」
吳雲甫輸咗有得賴
而是非多多的(10)吳雲甫，對於日前被刊登曾被一眾女性朋友圍摷一事，他解釋：「同朋友喺卡拉OK玩，佢哋知我怕唧，所以夾攻唧我。我細個係爛玩，所以畀人登我玩得激烈嘅相。（怕唔怕新聞影響比賽？）唔怕，志在參與，如果輸咗有得賴。」
此外，將於今晚為「香港先生」擔任表演嘉賓的高鈞賢，表示曾向監製要求與舊「香港先生」以泳褲行騷，不過被拒，最終沙灘褲上陣。
文：影視組