家輝「單拖」出席「第十三屆富川國際幻想電影節」，本來抱着平常心的他卻憑《証人》獲得「最佳男主角優秀表揚獎」（Special Mention），而令他最欣喜的是，導演林超賢擊敗超過二百對手，榮登「最佳導演」寶座，而當地的放映活動內，《証》片更全院滿座，成為焦點所在。

家輝開篋時小心翼翼，恐防底褲曝光。	家輝在韓國亦有不少影迷。	家輝再攞獎，第一個通知的竟然不是太太關詠荷，而是導演林超賢（左）。 （資料圖片）

開篋驚底褲曝光

家輝得悉林超賢獲獎，竟於頒獎禮舉行期間即場致電對方「報喜」，卻因長途電話線路問題，打了三次才取得聯絡。老闆楊受成知道《証》片再下一城，隨即於昨晚舉行慶功宴，家輝「物歸原主」，親手將獎座交回給林超賢。

家輝昨午返抵香港，大批記者前往接機，他將獎座放在行李箱內，怕打開篋時底衫褲會被攝入鏡頭，要記者費盡唇舌才肯「就範」。心情大佳的他笑言會加片酬：「加！加夠一百。（一百日圓？）港幣呀，一百萬，你哋幫我寫大隻啲。」至於老婆關詠荷要求他請食飯，問到會否乘機生B慶祝，他恨到口水流謂：「唓﹗你估話就得咩？有就好嘞。」家輝又自爆因語言問題差點不懂上台領獎：「都唔知佢哋叫我，好彩有助手提水咋。」

林超賢九月攻勢

由於趕拍新戲《火龍》的關係，林超賢未能前赴富川領獎，想不到卻遭愛女怪責：「佢本來話要代替我飛過去攞獎，但大會未能安排得到，佢猛話好可惜囉。其實自己拍嘅戲可以得到唔同地方嘅戲迷認同，感覺難以言喻，希望嚟緊九月開拍嘅《線人》（《証人２》）都同樣獲得大家嘅肯定啦。」

文：影視組