周中師傅與「新香蕉俱樂部」昨日錄影無綫收費台節目《星級廚房》，期間周中對於o靚模風氣有彈冇讚，他說：「佢哋都係派奶、唧牙膏咁啫，唔知點解會hit，好淫穢、教壞細路。（有冇睇過佢哋啲寫真？）冇睇過，我幾十歲人有咩未睇過，但畀少男少女有樣學樣就唔好，以為做o靚模好易，呢啲唔係正常性教育，正常性教育要去學校學，剎那光輝好快冇，有實力最重要，讀多啲書好過。（會唔會請佢哋做節目嘉賓？）唔會，我搵啲成熟型、有內涵。」
此外，周中又透露未睇過《美味天使》的寫真集，縱使曾經搵過她們擔任節目嘉賓，不過依然不知「邊個打邊個」。
