Square成員何尚謙（James），昨日帶同玫瑰花出席緋聞女友羅凱珊（Kama）的寫真集祝捷會，二人還被要求即場錫錫，最後兩人只好借位錫。
記者問James是否到場撐女友？他即表現尷尬，但卻直認Kama是他喜歡的類型，他坦言：「佢都係幾好女仔，係我鍾意嗰類型，冇辦法，我仲係新人，暫時唔搞兒女私情，工作為先。（轉地下情？）唔係。」James表示有看Kama的寫真集，問他Kama身材是否很索？他大讚說：「我最鍾意佢喺泳池底影嗰輯，佢係好多男人夢寐以求嘅女仔，有42吋長腿，又係青春少女，加上天使面孔、魔鬼身材，真係男士們嘅夢中情人。」
