昨日書展進入第三天，向來賣健康性感的八模兵團A.Lin、DaDa、Annie G.、Evelyn、Isabel、Crystal、Anjaylia及Hailey C.，終於出動舉行簽名會。大會表示二百個籌一早派晒，不過現場所見只有約一百個fans來捧場，雖然不少fans大鑼大鼓吶喊支持，但未有造成墟冚場面！八模謂截至昨天為止，寫真集已賣出萬六本，故打算舉行慶功答謝工作人員及fans。
問到會否效法周秀娜及羅凱珊派雪糕及奶？八模笑說：「各有各做啦！（派奶好奇怪？）奶係有益健康飲品嘛！（如果畀你哋派咩？）派相啦，fans最鍾意，（唔夠人撼喎？）我哋八個一齊出嚟已經好震撼啦！」對於鄧麗欣的小說錯字百出？八女就力撐說：「其實人人都會寫錯字，錯係在所難免，最重要錯咗之後改過，以後唔再犯錯！」此外，八模之一的Crystal前日獨自一人出現中環置地廣場內的Miu Miu店，不過卻只看沒有幫襯。