身為多啦Ａ夢迷的Ciwi，日前為《電影多啦Ａ夢大雄與綠之巨人傳》配音。原本身在泰國趕拍《童眼》的她，特意飛返香港走進配音室，由於時間匆忙關係，令她未花上足夠時間去揣摩角色，大叫配音比演技更具難度，不過在場提點她的配音領班卻指她天資聰穎。

與弟弟感情佳

Ciwi不諱言自己是多啦Ａ夢fans：「我係多啦Ａ夢嘅超級fans，曾經為集齊一套快餐店推出嘅產品，試過日日捱漢堡包。」由於《電》片以環保為主題，Ciwi覺得別具教育意義。

雖然今次聲演刁蠻公主一角，但Ciwi透露家教甚嚴，故自小沒有染上公主病，且透露：「媽咪唔喺屋企嘅話，我可以做晒家頭細務，雖然煮食唔係好叻，但點都入到口嘅，可以照顧細佬㗎。」Ciwi與弟弟年紀相差近十歲，不過卻是名副其實的姐弟情深，早前Ciwi離港拍戲，甫抵埗即接獲對方電話，哭着向她說：「家姐，我好掛住你呀！」令Ciwi大感窩心。

公司勒令減肥

彭氏兄弟對年僅十八歲的Ciwi十分欣賞，《童》片內更「欽點」她扮演江若琳及楊丞琳的好友，三個女生戲裏戲外經常聚在一起談天，短短日子已建立出感情。由於Ciwi被經理人公司勒令減肥，故未能享受各式美食，拍戲期間通常以生果充飢。《童》片涉及驚駭神怪事，Ciwi卻冇有怕，且自爆謂：「我係名副其實嘅『鬼妹』，因為我生於農曆七月十四日，由細到大屋企人都同我做農曆生日，所以習慣咗呢啲嘢嘅存在。」

文：影視組