盧海鵬扮木村拓哉扮到熱爆網絡的亞視節目《香港亂噏》，本周開始一星期播足五晚，與無綫《烈火雄心３》正面對撼。除了盧海鵬扮嘢了得，扮「家鷹哥」的姜皓文亦順利爆出。
姜皓文帶點不好意思說：「坦白講，我以前真係冇乜睇時事新聞，但係依家唔睇新聞瞓唔着，會好留意啲政經人物嘅神情同動靜，仲會上YouTube睇片做research，希望睇多啲，做定資料搜集，扮起嘢上嚟就可以易啲上手。」
除了幕前演出絲絲入扣，幕後的化妝界老行尊陳文輝之子亦居功至偉，姜皓文說：「編劇、化妝都辛苦㗎，編劇晏晝就要返嚟開會度題目，化妝就要睇好多資料相，研究點樣化妝配合，演員就四點返嚟開製作會、對稿，其實以前錄影，我哋成組人都係好少ＮＧ，所以轉Live都冇有怕。」