台灣實力歌手周蕙日前飛往北京出席新碟發布會，吸引過百歌迷捧場，周蕙即場獻唱多首新歌，並應歌迷要求清唱，由於周蕙屬唱家班，當她演繹新歌時竟被誤會「咪嘴」，周蕙即澄清說：「我『咪嘴』？冇可能，一定唔會發生喺我身上，出道至今都是唱Live。」周蕙坦言對「咪嘴」甚抗拒：「做歌手最緊要做好自己，如果『咪嘴』即係呃歌迷，非必要都唔會咁做，除非病到開唔到聲。」
周蕙為力證自己沒有「咪嘴」，即大方重唱一次新歌，並笑說：「請大家留意我嘅口形。」獲歌迷大叫「支持你」，氣氛熱烈。事後，她大方說：「唔會因為被誤會而唔開心，佢哋只係搞氣氛啫。」
