周國賢（Endy）早前推出《College》新曲＋精選，收錄了五首新歌，此碟早於四年前已開始錄製，但因Endy要專注樂隊Zarahn的出碟事宜，故個人大碟推出日期一拖再拖，直至近幾月Zarahn有個「休碟期」，Endy才有機會將這張近乎冰封的碟死而復生。問到Endy可擔心新歌已不合時宜？Endy信心十足說：「唔會，因為啲歌全部重新混音，好update，唔會有好舊嘅感覺。」
Endy出個人大碟，Zarahn其他成員豈不是「失業」？他急澄清說：「梗係唔會啦，佢哋個個有正職㗎，而且仲係高薪厚職，好高收入添。」Endy大爆鼓手Jerry是二級財務分析員，年薪過百萬，他說：「我個女份基金都係幫佢買，將來靠晒佢。」而兩位身為潮州酒家的太子爺Jerry及Joey，又忙於在大陸搞餐具生意，高佬Goro就忙於做幕後工作，酬勞相當不俗，他謂：「次次都係我貢獻，依家佢都要出分力啦。」