Yan這次沖繩之旅，令她大開眼界，亦有好難忘的經歷，她說：「我第一次連續兩星期都係自己瞓，第一次喺山崖影相，仲幾乎跌咗落山，好彩大步檻過！」她又表示最令她驚訝是當地的Disco於晚上十二時仍是小貓三四隻，Yan說：「凌晨兩點嗰段時間先最旺，同埋佢哋真係好享受跳舞同捽碟，唔似香港男仔只顧住識女仔！」

小朋友表情古怪，吳日言睇到O晒嘴。	吳日言早前到沖繩為旅遊書取景，拍了數千張照片。	見到得意的玩具，吳日言即童心大發。

吸引學生妹

問Yan在當地可有艷遇？她坦言：「男仔就冇，反而有一班女學生，我影相期間撞啱一班學生喺度參觀，佢哋好好奇咁問我做乜喺度影相，雖然大家語言不通，但最後都有合照！」

另外，Yan又表示期待將來在當地舉行婚禮，她說：「沖繩嘅教堂好靚，又對住個海，好浪漫，我身邊有好多朋友都喺外地結婚，我好羨慕，希望將來都有機會喺沖繩搞婚禮！」

採訪：音樂組

服裝：Cocktail