葉翠翠家中有三隻愛犬，她經常與牠們為伴，早陣子，翠翠放假留在家中休息，亦會看食譜下廚，每當她烹調美食時，小狗們就會坐在旁邊陪她，當然，翠翠亦會為牠們炮製美點。翠翠說：「我整三個鐘，佢哋就坐足三個鐘，唔會行開，我會整啲冇油、冇鹽嘅嘢畀佢哋食。」亦因為此，令翠翠決定出一本有關狗仔的書籍。
而這本由她一手包辦的處女著作《我和你》，就在今年書展面世，為了這本書，翠翠專誠到一些狗場探訪，她說：「書裏面我會講一啲遺棄狗隻嘅人嘅下場，亦會有我同一隻相識八年嘅唐狗嘅點點滴滴。」翠翠表示由住舊居開始，已與此唐狗結緣，除了餵飼牠外，更會與牠行街甚至看醫生，問她家中小狗有否因此而呷醋？她說：「會㗎！所以我啲狗唔鍾意佢㗎，亦唔會同佢玩。」