在美國出生的阿Jin，是名副其實的ABC，去年獨自來港發展，即患上思鄉病，平均兩、三個月他就飛返紐約探望家人，他以半鹹半淡的廣東話笑說：「我好黐媽咪，啲人俗稱裙腳仔，我唔介意人哋咁話我。」他還緊記當日決定來港闖天下時，母親給他的叮嚀，他說：「佢叫我喺新環境嘗試relax啲去做，即使唔得都唔係好大件事，仲話有乜唔識，千祈唔好扮識。」

來港打天下的阿Jin，一直緊記母親的說話。	阿Jin以半鹹淡廣東話自嘲是「裙腳仔」。	阿Jin是不折不扣的ABC。

敵人係自己

阿Jin最近聯同九位音樂人金培達、馮穎琪、方樹樑、周博賢等為McCafe創作一張《coffee music》，阿Jin形容當日灌錄《Worst Enemy》大玩即興，他說：「首歌係一take過，一邊錄一邊Rap，我都好耐冇Rap英文，所以覺得好好玩。」阿Jin指出《Worst Enemy》很有意思，他說：「首歌嘅概念係世界有好多嘢唔公平，好多時真正嘅敵人係自己。」

發展感滿意

他自覺好幸運，可以將自己的興趣成為工作，在香港樂壇他還處於適應期，除了唱歌，他還嘗試做主持、拍戲，他說：「我都好滿意發展，好lucky交到租，照顧到自己三餐，睇我咁大隻，都有幾餐好食。」

文：音樂組　攝：沈健程