陳茵媺在《烈》劇中角色率直、樂天，但在警察崗位上卻因衝勁過火，鬧出不少笑話。角色與茵媺相似的地方要數率直性格，但困難之處亦不少，好似平日斯斯文文的她，行為上要變得粗豪，事前她花了不少時間將自己「洗腦」。

講到姻緣，陳茵媺說隨緣！

放大圖片

煲碟學做女警

為了學戲，茵媺全靠煲碟：「事前都花咗好多時間學習做女警嘅神態，連續煲咗幾套電視劇《陀槍師姐》系列、《學警雄心》，學警察點樣講嘢、平時嘅舉止，甚至乎行路嘅方式，差人有一套唔同嘅舉止。」

因演得太投入茵媺透露拍攝期間好似變了另一個人，她說：「我係咁㗎，嗰排演咩角色，現實中都會受到一定影響，嗰段時間就變得粗魯咗，啲朋友都覺得我唔同咗，不過冇嘢嘅，一排之後就會正常番。」

男仔頭愛制服

茵媺不但夢想做警察，原來對制服也情有獨鍾，由細到大都有儲軍服、襟章等軍事物品，十分男仔頭。問茵媺可期望另一半也是位「制服男」？她說：「咁又唔使咁刻意，唔一定要係做紀律部隊嘅，緣分呢樣嘢冇得講嘅，隨緣啦！」

文：影視組

服裝：Ted Baker

化妝：Chris Wong@Mae Von

髮型：Paul Chow@Head Quarters

場地：Cadero（海港城）