陳啟泰和黃宇詩合作舞台劇《仙樂飄飄處處聞》，陳啟泰密謀打破「亞視藝員不能亮相無綫」的宿命：「鮑起靜攞金像獎無綫都照播啦，依家我以亞視藝員以外嘅身份宣傳舞台劇，無綫有大將之風，我覺得佢哋會開方便之門囉。」黃宇詩卻大潑冷水說：「嘢唔係咁講嘅，正所謂國有國法，家有家規嘛。」
二人雖然意見分歧，排戲卻異常合拍，宇詩為了這個舞台劇重新接觸久違了的鋼琴，曾跟老師學唱歌的陳啟泰，學曉唱《仙》片內歌曲，終可大派用場。劇中他們與一眾小朋友結台緣，宇詩十分開心，不過小朋友不能一口氣參演多場，要分A、B team演出，她就要花多一倍時間去排戲，體力上付出更多。陳啟泰未有因為與小朋友日對夜對而挑起當爸爸的念頭，認為間中見吓已心滿意足。