外表文靜的李亞男尋覓愛情原來十分主動，她不諱言初戀也是她主動出擊，現時單身的她直認若遇上心儀男士不介意做主動，充滿當下烈女味道。
李亞男在劇集《烈火雄心3》主動出擊追求鄭嘉穎，甚有時代烈女味道，敢愛敢恨，現實中外表文靜的她相信很難想像同樣愛得直接主動。
四個月豆芽夢
亞男笑說：「我唯一嘅男友係台灣人，當時喺溫哥華返教會識得佢媽咪，問伯母攞咗佢電話之後，知道佢鍾意打golf就借故打畀佢叫佢教我打，冇幾耐就拍拖，完全係我主動追番嚟，真係好大膽！」
第一次主動出擊，可惜豆芽夢僅維持了短短四個月，至今亞男未有再拍拖：「我揀嘅對象唔希望只係甜蜜拍拖，希望要有將來，冇將來嘅愛情太嘥時間，太浪漫亦好傷感情。」
要求伴侶夠高
她對伴侶要求高，最緊要夠高，亞男說：「最基本條件一定要高過我，同埋要有自己嘅事業，可以照顧到屋企。」雖然好多朋友有介紹男仔給她，但亞男未能找得符合條件的，她相信將來會遇到，若然是心儀的男士她一樣會主動出擊，因幸福要自己爭取！
亞男自言平日很少機會在人前灑淚，拍攝《烈》劇的喊戲時幾乎被考起：「拍嗰場喊戲自己好緊張，用咗十分鐘培養感情都喊唔出，用埋白花油都冇用，好彩嘉穎教我應該點樣慢慢培養情緒喊，最後都順利喊得出。」
文：影視組
攝影：司徒國榮 場地：Cadero（海港城）