容祖兒、陳偉霆（William）、陳奕迅（Eason）、曹格等前晚為《勁歌金曲》錄影，祖兒、William及Eason大跳勁舞，祖兒跳到露腰也不知。而William跟HotCha扮米高積遜（MJ）跳舞時，慘被Regen雙腳夾頭！

祖兒及後談到何韻詩承認同性戀，她坦言：「我知佢係玩遊戲，唔知佢講真定講假，所以唔回應喇。（支唔支持同性戀？）呢個世代唔好問呢啲無聊、膚淺問題，其實冇話贊成定反對，就好似食辣咁，有人鍾意有人唔鍾意，亦唔會鼓勵或唔鼓勵朋友公開性取向，每個人性格唔同，性格直接影響行為，作為朋友，會支持佢哋，咁先至係朋友。」其實何韻詩直認「斷背」後曾於Blog中表心聲，認為這個年代仍對同性戀大驚小怪，屬思想太狹窄，而祖兒亦認為問題膚淺，實行以說話力撐好友。

祖兒錄《勁歌》，忘我大跳勁舞。

陳偉霆

陳偉霆未幫襯Baby

此外，William緋聞女友Angelababy的寫真在書展熱賣，他坦言暫未「幫襯」：「我未有時間買，點都會叫佢留幾本畀我，最多兩倍價錢買，不過我最擔心係佢安全問題，書展人流太多。」至於有說o靚模提供性服務，可擔心她被問價？William肯定的說：「我冇問過佢，但我對佢有信心，佢絕對唔係啲咁嘅人。」

文：影視組