o靚模人氣持續高企，昨日無綫《四葉草電視電影》（暫名）拍攝池邊派對戲份，眾青春演員被安排以沙灘裝示人，當中擁有34E的「柑桔」陳蕊蕊大露深溝，她笑言：「唔係搶鏡，佢哋個個都咁靚，我淨係客串做啦啦隊咋，不過依家對演戲都好有興趣，希望遲啲有多啲機會。」同場的陳淑儀「火車未到站」，期間她更疑似露點，故不時掩胸免走光。

否認力追馬賽

人氣o靚模DaDa拍畢大合照後主動發起水戰，成功撩㷫男子組反擊，廣受現場男士歡迎。由於最近DaDa被拍得與羅天宇密會而傳緋聞，昨日兩人被要求合照時表現大方，不過DaDa卻似劃清界線說：「緋聞傳啫，唔會尷尬，大家普通朋友，放咗工一齊食飯畀人影到啫！」

而羅天宇昨日被讀者踢爆他曾一腳踏兩船，與舞蹈員Kinki及Kafu搭上，讀訓練班時更追求馬賽但「食檸檬」，他對此說：「Kinki係我選港男前學跳舞時識嘅，拍咗拖兩年之後和平分手，有復合過但最終都分開。Kafu係我同Kinki分手後先一齊嘅，但屋企人一直反對，結果喺壓力下分開。」他又否認曾力追馬賽因對方根本沒有讀訓練班，因曾一起學舞才成為好友，馬賽亦不覺他有追求之意。

劉俐潔身自愛

被傳賣淫的劉俐昨日心情未受影響，繼續大騷誘人身材，她表示獲不少友人致電慰問：「唔會為錢出賣自己，女仔要潔身自愛。」

文：影視組