o靚模入侵書展，令大會迫不得已把她們隔離。同期出書的周麗淇（Niki）雖然備受威脅，不過大會安排Niki遠離o靚模外，還把Niki「升呢」在主場館搞蓋印會，令Niki能以歌手身份獨享作家禮遇！而為刺激新書銷量，Niki還會在書展大送木公仔。
書展變成o靚模爭「峰」之地，在一片反對聲音下，大會把一眾o靚模移離主場館，面對o靚模鋪天蓋地的宣傳，同期出書的Niki難免備受威脅，不過其新書《幸福》記錄了她在日本東北拍攝旅遊特輯的所見所聞，又可作為一本工具書，加上Niki形象健康，所以大會把她抽出歌手及o靚模行列，升呢成為作家。
日本旅遊生靈感
有別於鄧麗欣、傅穎、周秀娜及Angelababy等，Niki是唯一一位歌手以作家身份進駐主場館。在七月二十六日，Niki會別開生面搞蓋印會。當天她會為fans在新書蓋印及隨書附送一個由她親自設計的木公仔，Niki說：「日本東北好興蓋印，我唔想就咁簽名咁簡單，所以咪搞蓋印會囉！」
冇性感照更特別
對於不用被大會隔離而備受爭議，Niki說：「我唔係出寫真集，只係希望將一個幸運遊記同大家分享，資訊性比較強，我諗因為咁所以唔使被隔離啦！」雖然新書內容沒有性感照，不過Niki覺得反而更加特別。問到會否覺得書展經已變質？Niki說：「唔會呀，每個作家都希望做到最好，而每個讀者想睇嘅嘢都唔同，我保持中立，亦唔怕競爭，o靚模同歌手係有分別。」
文：專案組