阿倫、李克勤、陳奕迅、任賢齊昨日出席東亞運動會「100日倒數活動及火炬接力傳遞」記者會，大會公布四人連同容祖兒及其他六十位火炬手於下月廿九日成為傳遞火炬手之一。

雖然阿倫腳傷未愈，但他稱只要依照醫生叮囑，在理性、合理和謹慎下跑步便沒問題。提到今年東亞運動會取消健美項目，阿倫抵死說：「依家啲人轉晒睇女性胸肌囉，尋日日全食，o靚模襲地球呀。（有冇留意書展？）咁多報道冇得唔留意啦。

阿倫更妙語連珠撐o靚模不是錯，只是分o靚模和羽靚模，而羽靚模再分為「有模」及「冇模」。阿倫笑着解釋：「有模即係有Model嘅形態，冇靚模就係冇形態囉，到佢哋大啲變咗『中模』，靚嘅就叫『中模艷』，唔靚叫『豬中模』，即係『豬扒』；再老啲就係『老模』囉！」分完等級，阿倫更提議o靚模們應選主席，叫模主席」。

任賢齊拿起火炬當作球棒，搞笑一番。

張敬軒笑言近日不停被o靚模轟炸。

叫克勤教仔刷牙

問到阿倫可有叫兒子到書展小心買書？阿倫即「戚眉弄眼」說會小心，在旁的克勤稱幸好兒子還小，阿倫笑指叫克勤要教兒子「刷牙」。至於o靚模性感博出位，阿倫則言：「其實佢哋都無可厚非嘅，又唔係殺人放火，都係攞啲嘢出嚟賣下、推銷下，求生啫。下次佢哋應該冬天搞，咁咪着多啲衫囉。」

問他對哪個o靚模最深印象，阿倫笑稱講不出名字。

另外，張敬軒昨日任耳機代言人，問到可有購買o靚模寫真，軒仔反應很大說：「呢排畀o靚模轟炸，搞到我都想做o靚模，但我三點細啲，冇34Ｄ。」反o靚模？他笑言：「唔使反，影相啫，等我出年都出本露骨寫真，係露排骨呀！」

文：音樂組