「胸」猛o靚模Chrissie的首本寫真集引來極大回響，當中刷牙及食雪糕的甫士被指意識不良，連日來Chrissie受不少人明嘲暗諷，不過她依然勇字當頭，昨日繼續出招，在書展附近的金紫荊廣場大派雪糕，更近距離在fans面前舔雪糕，電暈一班電車男fans。另一邊廂，Kama忽然宣布在同一地點派奶答謝fans，明剃Chrissie眼眉！

粉絲舉牌吶喊

昨日Chrissie首先於下午一時現身，由一輛印有她肖像的雪糕車接載到場，穿上迷你tube dress的她甫下車即被fans大讚靚，騷長腿的她獲現場約二十名fans舉牌吶喊。Chrissie其後再出冧招，在fans面前食雪糕，不過就未有重演寫真內的滴雪糕場面。

其後於下午兩時，Kama先到會展舉行簽名會，不過場面卻頗為冷清，氣勢明顯不及前日的Chrissie簽名會。反而下午三時半的派奶環節就熱鬧得多！現場有近六十名fans排隊等女神派奶，更有興奮電車男即席大啖飲奶，再拿着奶樽找Kama簽名。問Kama是否效法Chrissie派雪糕？她死撐說：「唔係，我派奶係因為我二百個籌一早派晒，有好多fans都攞唔到簽名，所以派奶補數，飲奶健康嘛！」她又謂會與Chrissie交換寫真欣賞。

兩女由會展鬥到出金紫荊廣場，都是為了騷人氣。

放大圖片

堅守獻吻承諾

另外，兩女的寫真銷情繼續報捷，其中Chrissie的寫真集於早上已售出二千本，曾一度缺貨要補倉，在補書後更火速出現人龍。Chrissie曾揚言寫真首兩天賣過一萬本就會舉行獻吻會，對此Chrissie的經理人說：「依家睇情況就唔會過一萬本，都覺得有啲可惜，但Chrissie依然好感動，所以決定喺星期六嘅簽名會上，錫頭五名fans一啖慶祝！」至於Kama的寫真首日已賣出五千本，其中更有三小時「真空期」，要書商急急補貨，Kama表示公司現考慮加印一萬本。

文：名人組