何超蓮最近趁暑假回港，一直表示會找暑期工的她，日前極為悠閒，與友人中環逛街。她透露日內將往母親的古董店打工，由於媽咪堅拒給她高職位，太子女一切由低做起。
何超蓮每年暑假均會返回香港休息，身為賭王千金的她，表示今年趁暑假回港，將會任職暑期工，爭取多些工作經驗。不過日前本報發現超蓮仍未有上班，反而極為悠閒，與一名女友人前往中環ifc逛街掃貨。當日下午四時許，穿上吊帶背心的超蓮，更以熱褲上陣大晒長腿，她與友人先於該處的超級市場閒逛後，又到百貨公司的女裝部揀鞋。期間超蓮還試了多款高踭鞋，友人則在旁給予意見，但她最終卻揀不到合心水的，兩手空空與友人前往附近的甜品店歎糖水。
學習管理知識
當記者上前訪問時，超蓮態度友善，問到她曾表示會任職暑期工，為何仍有空逛街，超蓮即表示：「其實我搵到工㗎喇，會響媽咪間公司返暑期工。」雖然將於三太陳婉珍位於上環的古董店打工，但太子女超蓮一切也要由低做起，她說：「媽咪唔會畀高嘅職位我，其實有冇職位我都冇所謂，最主要係想吸收吓經驗，實習吓，同埋學吓管理方面嘅知識囉。」
為慈善做靚模
提及她早前自動棄權，放棄靚模廣告選拔賽一事時，她即說：「係冇去到選拔賽，因為我一定唔會做囉，一來媽咪唔畀，二來自己唔想，除非係為慈善。」
文、攝：追蹤組