為籌備演出電影《一代宗師》，梁朝偉連月來不停跟師傅習武，早前「以一敵四」跟四位師傅練功，弄致左手骨折，經過數天在家中休養之後，昨日偉仔終於復工，為雜誌影相。

左手綑上紗布的偉仔，落車時小心翼翼。

偉仔昨日復工，笑容滿面。

「等啲骨生埋」

昨晨十一時許，偉仔於寓所出發，與髮型師、助手等一行數人抵達柴灣志同昌工業大廈，精神看來不俗的他，左手纏着紗布，友善地接受傳媒訪問，記者先問他傷勢如何？他表示：「ＯＫ，（幾時會好番晒？）四至六個期，隻手斷咗骨，依家要等啲骨生番埋，暫時隻手都郁唔到，（嘉玲會唔會好擔心？）冇得好擔心，都係正常動作。」

偉仔現在左手會不時感到痛楚，至於會否吃止痛藥止痛，他表示：「唔會，因為食咗都痛，依家夜晚敷中藥，日頭唔郁得，喺屋企攤抖，（擔唔擔心《一代宗師》會受阻？）都冇得擔心，唔到我去控制，依家等隻手慢慢好。（導演王家衛係咪好體諒？）唔體諒可以點！（幾時覆診？）啲骨斷咗，暫時冇得睇，要等啲骨生番埋先可以照Ｘ光。」

個半鐘頭收工

梁朝偉雖然有傷在身，但昨日仍然開工拍照，偉仔直言：「原本15日要影，攝影師都嚟咗香港，（會唔會就住傷口嚟影？）會，都唔郁得。」

偉仔約個半小時離開影樓，記者問偉仔如此快竣工？他表示：「佢哋都唔想我咁辛苦，（幾時練番功？）依家都停晒，要等好番為止，最少要痛個幾星期，唔痛嘅時候都可以練啲基本嘢，好似跑步咁，其他就要等好番先練得。」

文：影視組 攝：追蹤組