鄭嘉穎及王喜等昨日聯同《烈火雄心３》演員出席宣傳，眾人大打水戰，胡杏兒、陳茵媺、姚子羚均難逃濕身，但三女因「泳衣內穿」，養眼程度不及碧波蕩漾的麥皓兒，話題性亦輸給以胸圍當泳衣的何綺雲。
胡杏兒解釋在泳池範圍泳衣內穿的原因，她說：「選美都着過，唔可以成日露，（點睇《烈火》結局被公開？）文字同影像唔同，希望大家繼續支持。」
活動上，王喜與鄭嘉穎零交流，於結尾大合照時才難得企埋一齊，司儀問王喜：「喺個劇度做乜得罪晒身邊啲人？」王喜聞言起槓說：「問監製，個劇唔係我寫。（係咪你難相處？）我唔明你問乜。」活動完結後，王喜第一時間走人，公關指他要為新劇開工。
而成功出位的麥皓兒說：「玩遊戲嘛，我哋嗰隊落後緊，況且我有打底，（唔擔心走光？）玩嗰時冇，只諗住要有體育精神！」