陳貝兒約滿有線後跳槽bma，昨日假半島酒店舉行「陳貝兒見面會」，bma主席羅傑承親自撐場，並邀得無綫高層陳志雲、何麗全及一眾大騷監製出席，包括錢國偉、何小慧，連陳淑芬一家三口亦畀面亮相，同場更有不少贊助商及傳媒高層，足見陳貝兒得寵程度。

成為bma藝人後，陳貝兒未需過冷河，馬上獲新公司安排工作，於7月25日舉行的「2009香港先生選舉」擔任大會司儀，夥拍鄭裕玲及楊千嬅，能夠參與是次一年一度盛事，陳貝兒坦言非常期待，她說：「相信嘟嘟姐會照顧後輩，（佢好惡喎？）吓！咁我乖啲，唔遲到啦！」

新公司為陳貝兒舉行見面會，bma主席羅傑承夫婦、陳志雲及何麗全撐場。	陳百祥與陳貝兒同是talk得之人，見面即傾個雞啄唔斷。	陳淑芬偕同丈夫及兒子出席，認真畀面。

實現兒時夢想

簽約新公司後，除司儀工作外，陳貝兒更會進軍商界，出任bma Marketing & Advertising及bma Sports副總裁，陳貝兒直言穿套裝上班是兒時夢想，現在雖然要同時兼顧兩份工作，但自信能應付，並即場賣口乖：「陳志雲係一個好好嘅學習對象，可以做幕前又可以做一間咁大機構嘅管理工作。」

另外，羅傑承被問及bma入稟法院向製作公司追討215萬一事，他表示事件由旗下財務公司處理，自己不太清楚。

文：影視組