鍾蕙芝（Lavina）前晚出席夜店活動，被同場的陳樂榣指她博上位，態度囂張、賣弄性感，又勸靚模要謙虛同收斂，Lavina即時解釋可能係誤會，更質疑陳樂榣認錯人！
前晚Lavina單拖出席銅鑼灣的Crave for Dewar's launch party，身穿吊帶連身裙的她毫不性感，其後她被問到同場的陳樂榣只識她一個靚模，皆因聽聞她態度囂張、賣弄性感，目的係博上位，Lavina聽罷則無奈說：「應該唔係話我，我唔會對人冇禮貌，可能係誤會！其實我哋呢一班靚模剛出道，唔知邊個打邊個都不足為奇！」
當跌錢畀人
Freeze成員之一的陳樂榣表示只是從他人口中得知Lavina態度囂張，被問到會否教她人生道理？她寸嘴說：「唔使啦！同佢講冇所謂，但唔知人哋想唔想聽，依家所有報道都係講靚模，證明佢哋紅，加上又出寫真，其實個個咁後生，唔使下下咁性感博出位，總之佢哋要keep住有嘢做就要謙虛啲同收斂，唔好未紅先驕！（搶你生意？）二千幾蚊工作我唔會接，太平佢哋先做到，冇影響，當跌畀佢哋！」
冇呃過綜援
Lavina昨日為「莎莎Bling淇淋花車巡遊」派優惠券，對於寫真集只賣剩四百本，她表示不敢以勝利心態自居︰「都要睇埋其他對手，不過依家日日浸淫喺快樂之中，唔使擔心銷量。」此外，Lavina對於有報道指靠綜援過日，她坦承係以前的事：「過去嘅事，攞綜援係當時需要，我冇呃過錢，我依家賺到錢都冇攞。」
對於周秀娜的出位寫真集，她表示會學習對方的甫士︰「我睇過啲相，佢好多嘢都值得我哋參考，好似甫士、保養同身材，我都學緊擺甫士。」
文：名人組