碩之、夢夢及兩位師妹尹蓁晞（Yumi）、陳若嵐（Melody）將擔任「動漫節大使」，四女前晚為《動漫女神》一曲拍攝MV。

有見近日靚模為谷寫真集各出奇謀，更有不少負面新聞，夢夢坦言師妹感到不開心。她說：「我同佢哋講只要有實力就唔怕，我哋又唱又跳，而且佢哋影的寫真又唔係意識不良，唔會畀人話波大冇腦！」

五歲都識刷牙

上年出寫真的碩之自覺幸運，她謂：「上年競爭正經，冇咁激烈，是非又少，大家都係着比堅尼，但今年影相啲女仔連底褲都見埋！（靚模波大冇腦靠賣肉？）可能唔係，但過分咗囉！」

之後夢夢更開名寸Chrissie：「今年真係有幾over嘅，好似周秀娜嗰張刷牙相，正常喺屋企都唔會着咁嘅衫，牙膏仲要咁滴法！我覺得有啲意識不良。唔係話佢唔靚，但甫士過分咗。」在旁的碩之亦插嘴說：「五歲都識得刷牙啦！有少少教壞細路。」她又謂覺得八模所影的比堅尼寫真算健康，不健康的只是眼神和甫士。

此外，將於八月初推出新碟的夢夢笑言自己的唱片封套很「激」：「我CD封面都冇着衫，係全裸，但只係背脊！」她又寄語靚模要讀好書，最少也要完成中五課程，否則會與社會脫節。

自發性擺甫士

雖然Chrissie對於碩之及夢夢擺明「針對」封嘴不回應，但面對前輩狄娜早前苦口婆心勸喻靚模不要「波大冇腦」，以免將來後悔，Chrissie則說清楚自己所做的事，將來不會後悔，拍攝寫真只是想待老時能看見自己這個年紀的模樣。問到覺不覺寫真甫士意淫？她說：「唔覺得，影相時有跟攝影師商量拍攝角度。（挑逗性動作都係人教？）自發性嘅！」記者再問她平時食雪糕會否滴落胸？她即時O嘴語塞，然後才謂：「唔係，寫真宣傳性感係事實，視乎大家點睇！」

搶客必殺技

周秀娜 《Kissy Chrissie》

搶客招：包下印有周秀娜三點式噴血泳裝照的雪糕車，於本月十九日起作巡迴宣傳，周秀娜更會自定日子，親臨雪糕車親手餵fans吃冰淇淋。

Yumi及Melody 《My Yumi My Melody》

搶客招：現場設有大批一比一Yumi及Melody的人形紙板公仔，並會派發印有二人嘜頭的紙扇作招徠，另外更斥資六位數在港鐵大賣宣傳廣告。

Angelababy 《Miss Angelababy》

搶客招：以巴黎靚景、星級班底及高貴女性化造型打造潮模新look已是噱頭，baby更會於本月廿七日親臨書展「拉客」。

文：影視組