畢彼特最近為宣傳新片《希魔撞正殺人狂》而上科技雜誌《Wired》封面，在訪問中畢佬不減搞鬼作風，除了全程用《希》片中飾演的鄉下佬軍人身份對答之外，還為雜誌拍下多張搞鬼照片。
在照片中畢佬除了扮一邊小便一邊按手機之外，還在電腦前scan鹹書《好色客》照片上網，不過最搞鬼一張就是粉墨客串的《希》導演昆頓塔倫天奴在戲院內傾手提電話，而畢佬就公然拎起ＤＶ機玩盜錄。
在訪問中，冇厘正經嘅畢佬，被問到對艾斯頓古查將老婆狄美摩亞露股照放上Twitter的睇法時，他就表示：「唔好影你老婆個籮柚啦，咁做好傻仔。係都影人哋老婆個籮啦！」另一方面，狄美日前打扮性感出席ESPY頒獎禮做頒獎嘉賓。