本文重點
愈來愈多靚模胸群而出爭上位，D神趙碩之不敢怠慢，節食keep fit，以腰迎戰，憑23.5吋曱甴腰出奇制勝，更想打出一片天。
本來擁有25吋腰的碩之，嫌自己身材唔夠fit，竟進行節食速瘦，成績令她十分滿意，最興奮是與腹肌「久別重逢」，她開心說：「讀書時玩劍擊，一直都有腹肌，依家雖然瘦番，但已經冇以前咁多。（想練番幾多舊腹肌？）唔一定幾多舊，女仔來說自己覺得夠了，多就唔好，同身材一樣。」
有信心做打女
雖然擁有33D驕人上圍，但碩之卻不想只靠咪咪出位，她說：「我想自己整體都靚，唔係只靠上圍，最近除咗keep身材之外，仲好留意有關功夫、打拳嘅資料，我想做打女，動作演員係我嘅目標，一直有留意電影圈，發現未有動作新演員出現，自己好想試吓。」
本身有劍擊底的碩之，自認有運動細胞身手不錯，加上很注重健康，平時都有跑步、拉筋，積極裝備自己邁向打女目標，碩之笑說：「唔係自大，我係運動底，有一定基礎，對拍打戲好有信心。」
採訪：音樂組
場地：螢八爐端燒
髮型：Jackal@Hair