今年嫩模橫行，她們由廣告、電視、電影鬥到書展，鬥身材鬥騷胸鬥是非鬥人氣，誰也搶不了誰的風頭，下周書展開鑼，眾模又再展開激鬥。Kama早前飛赴蘇梅島拍攝處女寫真《My Secret Album》，並以青春可愛少女造型作賣點，不過講到搶銷量絕招，非其半裸封面照莫屬，更成為該寫真集的秘密武器。

日前Kama拿出寫真集樣本接受專訪，她對寫真集靚相相當滿意，又說：「張張相都想放入寫真集，輯輯都有驚喜。（緊張銷量？）唔緊張，銷量唔係最重要，最緊要係口碑同外界反應。（嫩模圍剿？）大家路線唔同，讀者口味都唔同，而且佢哋有身材，可以騷出嚟。」問到廿三日簽名會當天如何造勢？Kama說：「Fans會嚟支持我，亦希望可以吸納其他人鍾意我。」

陳刀無懼銷量

至於由時裝設計師踩過界兼做作家的陳刀，其處男作品《愛透明愛情》亦於書展面世，並在廿六日舉行簽名會，他說：「寫愛情故事容易感動人，啲內容分唔同Chapter，有個人經歷，亦有其他人故事。（擔心銷量？）出版社叫我唔使擔心，話我應該冇問題，佢哋話我寫得好好，寫得好入骨。」陳刀又大讚Kama可愛，兼有甜美笑容，Kama聞言亦感到雀躍，兩人表示屆時在書展會互買對方書本支持。

文：專案組