與E Cup Baby劉欣宜同期出道的楊梓瑤，早前接受ontv節目《娛樂on Show》主持人陳振安及俞詠文大逼供。陳振安在節目中不停取笑Carol因胸前偉大，所以身上不時會出現陰影，令Carol嚇至尷尬傻笑。

滿意眼睫毛

雖然Carol胸部備受關注，但Carol笑言最令自己滿意的部位反而是眼睫毛：「我啲眼睫毛好長，所以我每次化妝都會好畀心機搞啲眼睫毛，一搞就搞好耐，因為我想佢哋一條條豎起。」

Carol更自爆經常被取笑是翻版楊秀惠，令主持人亦為之捧腹。

志願做公關

對於被指遭公司力捧成Janice Man接班人，Carol謙稱自己並非甚麼接班人，但卻不忘大讚Janice Man：「話畀人力捧都只係傳聞，只係傳聞吹大咗啫。其實我同Janice Man冇傾過偈，但有喺公司搞啲活動見過佢，覺得佢好靚，而且佢真係成功創造咗一種文化出嚟，好多人都跟佢着衫。」

現時一邊攻讀浸大傳理系、一邊兼任靚模的Carol，笑謂志願是做公關：「我想做公關係因為我鍾意着suit返工咯，哈哈！」

文：專案組　攝：馬永堅