拍足三輯《烈火雄心》的王喜正式宣布《烈火3》後不再拍，宣傳當日跟監製王心慰相擁而哭，阿喜說：「當日好似回光返照咁，過去十年拍戲嘅情景一幕幕出晒嚟，（今次體力上幾乎支持唔住？）我喺西藏受傷穿肺返嚟冇耐就拍一場火場戲，未正式拍前，喺走廊已經完全透唔到氣，但因為涉及好多演員唔甩得，惟有頂硬上，透唔到氣都要頂，惟有叫佢哋畀多五秒我吸多兩啖氣先。」

王喜坦言與其他人不打交道，並不就等於不和。

王喜對自己要求甚高，keep fit唔少得。

再冇精力社交

雖然拍攝時會有危險，但阿喜覺得辛苦也是值得：「花咗咁多錢做一個好安全嘅地方畀我哋去拍危險動作，可一不可再，但我一而再、再而三有得拍，點可以唔搏。」

阿喜的角色性格固執，他承認監製王心慰比他更了解自己：「好似照鏡咁，好毛骨悚然！」阿喜面對與演員傳不和是非，自會檢討一番：「人係要檢討自己，其實拍戲嘅時間、力氣都有限，我要將力氣、精神集中放喺工作上，實在再冇精力放喺社交禮儀上，與其冇精力去社交，不如不社交，我唔係嚟做交際花㗎！」阿喜覺得，與其他人不打交道，並不就等於不和：「唔係朋友都唔一定就係敵人嘅，否則我咪同全中國十三億人不和？咪好唔得閒？」

文：影視組　攝：吳文聰

場地：修士吧