樂隊Mr.五個大男孩鮮有打掃Band房，日前他們就獲卓韻芝及余迪偉幫忙，率領四名fans幫五子搞衞生。當fans們抹塵趕曱甴之際，Mr.竟在旁「印印腳」。不過最後Mr.亦識做地送上禮物答謝fans，令他們不至於做義工。
日前樂隊Mr.請來DJ好友卓韻芝及余迪偉擔任節目《Mr.爆爆訪》的嘉賓，原來Mr.打算「點」兩位好友作鐘點工人，替Band房大掃除。幸好阿芝當日有備而來，一早call定四名Mr.的fans「撐場」。到場後四個fans被分成兩個清潔小隊，並由阿芝負責分工，Mr.五子則在旁打氣。
正式搵笨
阿芝笑言：「佢哋（fans）話平時冇做開家務，今次上嚟真係畀我搵笨囉！」而迪偉亦開玩笑指要再請fans們到他家打雜。
經過一輪打掃後，Mr.的Band房雖然沒有乾淨到「立立令」，但總算不是「立立亂」。成員Tom笑道：「我哋個雜物房未試過咁整齊，今晚簡直可以喺入面瞓！」
好驚曱甴
事後MJ跟Alan自爆Band房已有三、四個月沒有打掃，早前下大雨時天花板更漏水，所以這次大掃除來得非常合時。Alan又透露：「頭先執執吓嘢有曱甴彈出嚟，唔講你唔知，我哋五個都好驚曱甴，尤其係Ronny。好彩fans夠勇猛消滅咗佢，仲有壁虎添！」最後fans獲贈朱古力作回禮，逗得他們笑逐顏開。
文：專案組、攝：沈健程