艾粒成員少爺占及Donald最愛扮鬼扮馬，兩人將在書展推出「艾粒電視台1979」DVD，大玩廣告人物，又會扮蘇施黃、謎女王的羅蘭。少爺占說：「扮蘇施黃講嘢好難，我中氣唔夠，拍完聲都沙埋好辛苦。」Donald則覺扮普通人最難，他認真地說：「扮都扮到傻傻哋，做番正常人最難。」
兩人一直被冠以「騎呢」組合，但艾粒絕不介懷，他們說：「冇所謂，鍾意你要有感覺先，最恐怖係對你完全冇感覺！當街當巷扮嘢唔會尷尬，我哋好投入，其實騎呢都out，依家啲人會話我哋惡搞。」
阿占跟Donald合作多年，當年「艾粒」出第一張碟，同期組合幾乎散晒，例如Cookies、Shine及女生宿舍等，艾粒說：「我哋係朋友底做開好啲，真係未試過嗌交。」