將於本月廿二日書展推出新書《小公主浪跡天涯》的江若琳，由於在圈中人緣極佳，所以邀得謝天華、苗僑偉及緋聞男友吳卓羲等幫忙寫序。

用藤條互打

之前Elanne曾自爆遭圈中男藝人熱烈追求，碰巧吳卓羲又是嫌疑人物之一，為了幫朋友之餘，亦能順道為自己洗脫嫌疑，吳卓羲在序中除強調自己並非對方的幸運王子，及二人經常以兄弟相稱外，更將Elanne彈至一文不值：「江若琳係我見過咁多個之中，最唔靚、最唔可愛、又唔係幾勤力、但恃住自己有啲醒，同丁點天分嘅一個新演員。」

雖然對Elanne如此不留情面，但吳卓羲與Elanne感情其實極為要好，他在序中亦表示二人於拍劇期間，經常玩至瘋狂狀態：「試過猜包剪揼用藤條互『fit』，由廠打到出服裝間！」

苗僑偉（三哥）則大讚Elanne是可造之材，更直呼Elanne為女兒：「這個女為了工作經常不在阿爸身邊……但阿女每次回來總會打電話給我，這已讓我很安慰了，我知道她對我很有信心，所以寫這個序阿爸當然是義不容辭的。」

文：專案組