17/07/2009

播放本新聞相關短片

陳豪殺入書展咖啡尋知己

本文重點
將於月中出書的陳豪,初試提筆分享咖啡心得,縱使面對多位口靚模出寫真夾擊,不過陳豪未有畏懼,揚言只希望完成夢想,不計較商業成果,十分清高。

無綫小生陳豪最近榮升才子,並將於月中推出書籍分享品味咖啡的心得,雖然今夏有不少G模推出寫真集,不過陳豪表示冇有怕,揚言大家所走的路線不同,絕無衝突,自爆十幾歲時亦曾有拍寫真的念頭。

模特兒出身的陳豪,表示曾有意推出寫真晒身材,他說:「十幾歲嘅時候身材好,所以自信心爆棚,我都有想過出寫真集,不過年紀愈大就愈保守,依家就算着三角褲見人都唔敢。(多多酬勞都打動唔到你拍寫真?)打動唔到,依家我追求嘅係我嘅夢想,夢想就係咖啡,分享對咖啡嘅心得。」

冇計算過結果

面對今夏有不少G模賣肉推出寫真集,初為才子的陳豪,表示冇有怕,他說:「驚唔驚我本咖啡書會唔夠撼?唔驚,依家啲書好多元化,大家嘅路線唔同,所以唔會有衝突。(有冇諗過新書銷量?)冇計算過結果,我只係想達成夢想,希望成為中間人,將咖啡介紹畀大家,尋覓鍾意咖啡嘅同道中人。」

此外,陳豪表示出書只是夢想的一部分,他還有不少關於咖啡的計劃在打算中,對咖啡認真專一。

文:影視組

場地:誠(日本料理)