全城熱捧的新片《哈利波特混血王子的背叛》前晚舉行首映，除了樂易玲、馬德鐘及名人後代等到場外，模界一眾靚模、嫩模、名模也紛紛聞風而至。雖然前晚有逾百藝人到場，不過他們的風頭卻被周秀娜（Chrissie）及八模兵團搶去，令到眾名模Rosemary、馬詩慧、Cara G.及貝安琪等都要坐冷板櫈，在布景板上簽名拍照後急急腳入場，未有接受媒體訪問。
而Chrissie及八模的經理人公司亦有意為她們開拓日本市場，前晚更在陳方滕的引見下，將Chrissie等介紹予日本最大手機網絡內容供應商Mitch。昨日Chrissie經理人Roy於電話中坦承此事，指Mitch對眾人大感興趣：「佢好鍾意呢啲中國面孔，有意將佢哋嘅寫真放喺日本手機度做手機寫真，而Mitch最鍾意嘅係Chrissie、DaDa、Annie G.同A.Lin，稍後我哋會再傾合作細節。」
另外，問到Chrissie被Kama以半裸寫真追擊一事，她大方笑謂：「只係寫法嘅問題，我睇報道只會睇相影得靚唔靚，我覺得Kama啲相影得好靚呀，所以都想同佢交換一本。」