對於靚模因被網友群起圍剿，令她們由最初以做靚模為榮，變成與靚模稱號劃清界線，對此現象，行為心理學家李寶能認為是「功利主義」的反映，他說：「以前不嬲都有唔同年紀嘅model，當然靚模變成社會氣氛係好事，但若果社會氣氛唔好，佢哋覺得對自己發展不利，當然會選擇脫離呢個行列，呢個係人類自我保護嘅本性，亦係『功利主義』嘅反映。若佢哋覺得做靚模自豪嘅，覺得係自己嘅理想同目標，自然會堅持落去，當然當中要承受好大嘅壓力。」
至於不少靚模均以賣弄身材作為出位招數，李寶能嘆息她們可能是遭受利用：「以佢哋呢個年紀，可能以為用呢個方法入咗行之後，就再無咁（暴露身材）嘅需要，但之後都係重複做呢啲暴露嘅角色，佢哋就要反思係咪畀人利用咗個身體去達到某啲商業目的喇。」