靚模二字熱爆今個夏天，一眾十多歲少女日日穿着比堅尼拋胸作勢，惜過分賣弄惹人反感，以致負面新聞不絕。新鮮熱辣就是中四還未畢業的Rainbow（胡心諾）被踢出校，而Monique（周凱盈）就退學，形象盡毀，難怪靚模元老級Angelababy早前率先脫離行列，自稱是「潮」模抬高身價，其他靚模有見及此紛紛效法。

昨日羅凱珊（Kama）、A. Lin及「翻版阿嬌」DaDa一同出席「Xbox 360今個暑假大曬」遊戲巡禮揭幕活動，Kama刻意與兩女保持距離，更不時表現不耐煩。問到網友杯葛靚模參加書展，會否擔心屆時有人搗亂？她說：「我唔驚，我諗佢哋入唔到嚟，（買飛就入得喇？）我希望自己唔會咁不幸囉！」對於一直強調自己不是行性感路線，卻在寫真集中半裸演出，她死撐說：「唔係少布就性感，性感係一種感覺，少布亦唔一定行性感路線，不過我之後都唔會再接比堅尼騷，（想脫離靚模？）好嘢留番喺寫真集。」

Kama（右起）、DaDa與A.Lin在台上互射水槍。

八模兵團一到，即成為全場焦點。

A.Lin DaDa藝能模

提到Angelababy認為靚模有貶意，要脫離靚模一族？她即否認是靚模：「我只不過係普通模特兒，以前靚模係代表後生嘅model，依家好似唔同咗！」對於Rainbow被踢出校？她不屑說：「希望佢可以完成最低嘅中五學歷。」並強調自己有意到海外進修完成大學課程。

昨日所見，A. Lin與DaDa的粉絲勢眾，更不時呼喊偶像名字，而她倆亦與靚模劃清界線：「我唔覺得佢哋係話緊我哋喎，（靚模影響形象？）講過好多次，我哋唔係靚模，（咁你哋係咩？）可以列為藝能模特兒，因為除咗model工作外，我哋都有演舞台劇同拍戲。」兩女更直言抗拒被標籤為靚模。

對於一班靚模紛紛效法Angelababy，欲脫離靚模行列，Baby經理人Kim強調她不是靚模，寫真集亦不賣性感，只賣時尚：「Baby係一步一步走出嚟，唔係靠炒作新聞嘅！」似有弦外之音。

諸葛梓岐表態支持眾靚模。	Cc拋胸在旺角街頭為寫真集造勢。	放大圖片

梓岐撐只要有fans

而沒有承認過自己是靚模的諸葛梓岐就表態支持靚模繼續做靚模，並認為她們的寫真集若賣得是她們本事：「只要有fans，係咪靚模都冇所謂。」至於網民反擊，她說可能因為之前太一窩蜂，有部分人擔心呢種風氣會影響小朋友。

Rainbow亦唱反調：「呢條路對得住自己。」又指大家誤解靚模工作，認為行性感是工作需要，她平時出街都不會性感。Lavina則自稱是平面模特兒，又表示自己已22歲，比靚模大很多，而且已完成大專學位，和靚模很不同。她倆又透露寫真銷情理想，所以不需到書展宣傳。

另外，新靚模曹卓榣（Cc）昨日亦穿着性感及拿着胸圍在旺角鬧市宣傳寫真集，行為騎呢。對於全城反靚模，她竟說：「我唔係靚模，我係artist（藝人），嚟緊我會拍戲，頭先我拎住個胸圍同將拍嘅戲有關。」

文：名人組